IÐNIR & TÆKNI
Valáfangi fyrir nemendur 10. bekkjar Árbæjarskóla
Um Iðnir & tækni
Kynning á iðn- og tæknistörfum, ætluð nemendum í 10. bekk Árbæjarskóla.
Valáfanganum Iðnum og tækni er ætlað að vekja áhuga nemandans á iðn- og tæknistörfum og kynna honum þau fjölbreyttu störf og starfstækifæri sem iðn- og tækninám hefur upp á að bjóða. Námið er fjölbreytt og byggir á fræðslu, vettvangsferðum og verklegum æfingum.
Námið fer fram hjá Orkuveitunni og þeir sem halda utan um áfangann eru iðn- og tæknimenntað starfsfólk Orkuveitunnar ásamt kennara frá Árbæjarskóla. Skilyrði fyrir þátttöku er góð skólasókn í 8. og 9. bekk. Kennslan fer fram í fjórum kennslustundum aðra hvora viku allan veturinn á miðvikudögum og telst valið því 2 kennslustundir á viku.
Hæfniviðmið
-
Að kynna nemendum þau fjölbreyttu tækifæri sem liggja í iðn- og tæknigreinum
-
Að nemendur fá innsýn inn í iðn- og tæknistörf
-
Að nemendur fræðist um lífæðar samfélagsins (vatn, rafmagn, fráveita)
-
Að nemendur öðlist frekari þekkingu á umhverfismálum sem snúa að auðlindum
-
Að nemendur upplifi hvernig er að vinna við iðn- og tæknistörf
Námsþættir
Námið er fjölbreytt og er bæði verklegt og bóklegt og miðar að því að tengjast atvinnulífinu. Námið fer fram í húsnæði Orkuveitu Reykjavíkur á Bæjarhálsi 1. Farið verður í vettvangsferðir og verður heimasíða og samfélagsmiðlar nýttir til að koma efninu frá sér (dagbók, viðtöl, video, ljósmyndir o.fl.)